الصراحه انا حبيت اعمل مدونه جيدده ومختلفه عن التانيه ويمكن مختلفه عن كل المدونات اللي شوفتها
للاسف انا عمري ما شوفت مدونه رياضيه مع ان المفروض التدوين عالم واسع فيه كل الانواع
علشان كده حبيت اعمل مدونه رياضيه تبقي كل حاجه فيها عن الرياضه علشان كده ياريت اللي عاوز اي حاجه
غير الرياضه يبقي علي مدونه sheva .
وانا في المدونه دي هوضح وجه نظري ومجرد وجه نظر بس كاي مشاهد اومتفرج لاني مش عاوز اكون زي الجرايد
ولا مواقع الكوره كل موقع بينقل من التاني فلو ناوي انقل المواضيع يبقي مش ليها لازمه المدونه دي
علشان كده انا هقول وجه نظري بس ومش في الكره المصريه خالص
يعني مش هتكلم عن اهلي ولا عن زمالك ولا حتي عن المنتخب وكمان ممكن يكون وجه نظري متطرفه ومتعصبه
يعني انا مثلا ممكن اقول ان ميلان كسب من غيرلعب عادي المهم المكسب ولو في نادي تاني يبقي العكسي
ههههههههههههه
المهم انا ان شاء الله ناوي اكتب في المدونه دي عن اي مستجدات واحللها حسب ما انا شايف وخلاص
63 التعليقات:
اول تعليييق
بص يابن الحلال انا يمكن مش بفهم اى حاجه فى الرياضه بس اى حاجه منك اكيي هتكون حلوه وربنا يوفقك
وانشاء الله اتابعها وبرضه اهو بعلم حاجات جديده
البنوته الشقيه
البنت الشقيه
شرف ليا انك تكوني اول تعليق في المدونه كلها
مش مهم تفهمي في الرياضه كفايه انك تشرفي المدونه
ربنا يوفقك
وان شاء الله اتشرف بانك تتابعيها
احب ابارك و اهنى ليك افتتاح المدونه
و نأمل من الله ان تكون مدونة رائعة
مبرووووووووووووك
مبروووووووووووووووووك
مبروووووووووووووووووووووووك
عبد الهادي_ساره
الله يبارك فيكم
انا عاملها كمدونه ترفيهيه
علشان ابعد شويه عن الغم
:d
شكرا لمرورك
مباااااااااااااااااااارك يا حسن
وانت هتبقى الاول يازعيم لان فعلا ملقيتش مدونات رياضيه
صحيح انت اهلاوى ولابعد الشر زملكاوى
احمد اشرف
الله يبارك فيك يارب
ان شاء الله يبقي فيه مدونات رياضيه كتير
انا بميل للاهلي
بس مش بحبه
(انا بميل للاهلى لكن مش بحبوا)
جواب ديموقراطى وذكى كمان
البنت الشقيه
هههههههه
ثكر
انتي اذكي
:d
السلام عليكم ,
مبرووك على المدونة على الرغم من انى ما بحبش الكووره ولا بفهم فيها .
هى الكووره كده ورايا فى كل حتى حتى فى التدوين كمان!!!
روح يا شيخ ربنا يوفقك
تحياتى ,
عمار صبرى.
فكرة كويسة طبعا
وهحاول افهم منك حاجة بقي
تحياتي
حكومتي ملاك
ههههه
نعمل ايه بقي
ربنا يوفقك
شكرا لمرورك
kochia
ان شاء الله
بس يارب تنجح
تحياتي
شكرا لمرورك
كل سنة وانت طيب
فكرة المدونة حلوة اوى خاصة ان فى ناس كتير بتعشق الرياضة
كوره فرع جديد من sheva
ربنا يستر السنه دى
ههههههههههه
انت هتكلم عن الاهلى والزمالك ولا......
عروسه ننوسه
يارب الفكره تنجح
شكرا لمرورك
موجه
ربنا يستر
شكرا لمرورك
مبروك على المدونه الجديده
اى نعم اخرى انى بحب الاهلى وبشجعه
لكن اهو نعرف حاجه عن الرياضه
بس ياريت مش تشغلك المدونه الجديده عن رمضان
عاشقه الاقصي
الله يبارك فيكي يا فندم
وان شاء الله مش تشغلني عن رمضان
انا بقى عايز اعمل مدونة واسميها البارسا
برشلونة يعنى ههههههههه
««((¯`·«AhMed•3LaM»·´¯))»»
اوعي تكون اهلاوي ازعل اوي
واوعدك اي موضوع عن الاهلي
سأكون لك بالمرصاد
وسلام علي طول السلام
مدحت محمد
اوك وانا هعمل مدونه اسمها تشلسي
هههههه
شكرا لمرورك
««((¯`·«AhMed•3LaM»·´¯))»»
لا انا مش اهلاوي ولا زملكاوي
بس بميل للاهلي
:d
شكرا لمرورك
تهانينا يا حسن على المدونة الجديدة ..
رغم إني ماليش في الرياضة خالص ..
يعني ما أعرفش أحمد فتحي شكله ايه ؟؟ :)
بس ربنا يوفقك , و تكون مدونة ناجحة إن شاء الله ...
تحيتي
timmy
ولا يهمك
ويارب تنجح
المهم انك تشرفني بالزياره
شكرا لمرورك
جميلة جدا كفكرة جديدة وفريدة من نوعها
انا كمان مش بفهم اوى فى الرياضة
لكن جوووو اون
panadol extra
مبرووووك
وكل سنة وحضرتك طيب
رضوي
يارب يوفقني فيها
رمضان كريم
كل سنه وحضرتك طيبه
شكرا لمرورك
اولا مبروك المدونة الجديدة
ثانيا ليه متكونش مدونة هدفها الارتقاء بالرياضة المصرية وبأخلاق اللاعبين وترصد كل خلق حسن للاعب وسلوكيات اللاعبين
انا من زمااااااان اعتزلت متابعةالرياضة يعنى من اولى جامعة تقريبا والحمدلله ومش ناوية اتابعها تانى
الزهراء
الليه يبارك فيكي
للاسف انا مش بتابع الرياضه المصريه
ان شاء الله تتابعي تاني
:d
شكرا لمرورك
الله يقويك بس الصراحة انا مالى فى الرياضة فاعذرنى
بنت سيناء
ولا يهمك
مستني حضرتك في المدونه التانيه
لانها مش رياضه
:d
شكرا لمرورك
الف الف مبروك ياحسن
بجد مدونه هاااايله وفعلا فكره جديده ومتميزة
بجد مبرووووووك
ويارب نشوفها زي التانيه واحسن كمان
أختك شيتوس
شيتوس الاهلاويه اوووووي
الله يبارك فيكي يارب
ان شاء الله تبقي جميله
وفكره جديده
شكرا لمرورك
فكرة جامدة ياحسن
مبروك عليك المدونة الجديدة
ومتابعك ياباشا على طول
مافيش احسن من الرياضة خصوصا انى لاعيب قديم :)
محمود
الله يبارك فيك
مستنيك كل بوست
كل سنه وانت طيب
مبرووووووك،
الى الامام دوما،
وعقبال المدونة العشرين،
بس اهم شىء المضمون،
دمت طيبا،
تحياتى لك.
رؤية
الله يبارك في حضرتك
يارب المضمون يعجب الجميع
دمتي طيبه
شكرا لمرورك
مبروك المدونه الجديده اللى بجد جميله واخويا معجب بيها جدا وشكرا على الاهتمام
وانا مش زعلت لانى عارفه انى من المفضلين طبعا تحياتى وتمنياتى بالنجاح والتوفيق
اني احبكم في الله
الله يبارك فيكي يارب
وان شاء الله تفضل عاجبه اخوكي
وطبعا انتي من المفضلين
كل سنه وانتي طيبه
رمضان كريم
السلام عليكم
كل عام وانت بخير ورمضان كريم
والله انت فخر لكل الرياضين يا ابنى انا نفسى ما عملتش كدة مع انه مجالى اصلا بس ممكن نشترك فيها سوى
ربنا يوفقك
tote
انا موافق
علي المشاركه
:d
شكرا لمرورك
حلوه اوي حكايه المدونه الرياضيه دي
ربنا يوفقك و تتكتب فيها اللي نفسك فيه
و ان شاء الله حتكون مدونه جميله اوي
الاء
يارب اعرف اكتب فيها
دعواتكم
شكرا لمرورك
مبروك ياباشا بس نصيحة اخوية من واحد رياضي كتير اهتم بشيء محدد علشان تضمن النجاح
يعني مادام بتحب الميلان خلي مدونتك موسوعة للدوري الايطالي والاندية الايطالية علشان تكون مرجع لينا ولكل الناس اللي بتحب الكورة
اتمنالك التوفيق
تحياتي
انا حر
انا ناوي علي كده ان شاء الله
ان المدونه تخص ميلان وتشلسي بس
:d
شكرا لمرورك
ربنا معاك
تحياتى
gelaan
يارب
شكرا لمرورك
çok güzel site. :)
Mustafa Şenalp
شكرا لمرورك
السلام عليكم ورحمه الله وبركاته
انا معلش مدخلتش عندك من زمان بس انا بجد تقريبا مش بفتح المدونه غير لو هنزل بوست جديد حتى التعليقات برد عليها مره واحده مع البوست الجديد
انت عارف رمضان كريى
المهم الف الف مبروك على المدونه الجديده وان كانت التتهنئه جات متاخره شويه
بس انا ليا تحفظ صغير انت بتقول عاوز تعمل مدونه رياضيه صح
الرياضه مش كوره بس دى جزء بسيط اوى منها فى العاب كتير تانيه بالعكس الالعاب التانيه دى ممكن الجسم بيستفيد اكتر منها
فياريت تنوع فى ذكر لعبات تانيه غير الكوره
دا هيدى للمدونه رواج اكتر واخصوصا ان فى ناس مش لها تقل اوى على الكوره والحورارات دى
بس
على فكره احب اشكرك لان بدوام مدونتى الجديده باستمرار
تحياتى
هايدي
ولا يهم حضرتك عارف ان رمضان مش حد بيكون فاضي فيه
الله يبارك في حضرتك والتهنئه مش متاخره ولا حاجه
انا بس كنت عاوز اخصصها علشان مش بفهم غير في الكوره ويمكن شويه تنس
فمش عاوز اتكلم عن جهل
ومدونه حضرتك رائعه جداا
شكرا لمرورك
بصرآآآآحة أنا والرياضة مش صحاب ..
بس عجبني الاستايل للمدونة كثير ..
يلا بالتوفيق ..
ومبرووووك ^^
ويا ريت تنوروني بمدونتي ^^
فراشه حيزران
الحمد لله ان استايل المدونه عجب حضرتك
ده شرف ليا
انا زرت مدونه حضرتك وهي بجد رائعه جدا
شكرا لمرورك
تصدق فكرتني بالذي مضى ,,,
هييييييه ايام
كنت بسمع كورة وانا قدك كده بس اعتزلت السماع وبقيت بلعب بس .
بس تأكد أني وراك بشجعك اهو :))
شيفا شيفا
سلام قبل ما الانتر يشوفوني
teva
ههههههه
انا لسه بلعب وبشجع وبتابع بس مش اوي
بس ان شاء الله الانتر مش هياخد الدوري السنه دي
:p
اه عندك
ان شاء الله الانتر مش هياخدوا :))
اكيد روما =))
مش كده ؟!!
المدونة جميلة ما شاء الله عليك ....
و أنا ماليش فى الرياضة إطلاقا
بس ولا يهمك أنا هأدخل علشان أتعلم
مين عارف يمكن نفكر نلعب كورة ولا أى
رياضة تانيه"أمل"
المدونة جميلة ما شاء الله عليك ....
و أنا ماليش فى الرياضة إطلاقا
بس ولا يهمك أنا هأدخل علشان أتعلم
مين عارف يمكن نفكر نلعب كورة ولا أى
رياضة تانيه"أمل"
teva
ههههههههه
ولا روما
الميلان ان شاء الله
مش عارف ازاي بس هياخدها برضه
:d
امل
هههههههههه
وفيها ايه
في دوري للانسات
:d
شكرا لمرورك
;ل عام وانت بخير
كلام علي بلاطه
وانتم بخير
جزاكم الله خيرا
إرسال تعليق